KZ
📚 Емтиханға жүйелі дайындық – сапалы нәтиженің кепілі
Мектебімізде 9-сынып оқушыларына қазақ тілі пәнінен, ал 11-сынып оқушыларына математика пәнінен мемлекеттік бітіру емтихандарына дайындық жұмыстары ұйымдастырылды. Дайындық барысында оқушыларға емтихан құрылымы, тапсырма түрлері, бағалау ерекшеліктері түсіндіріліп, пән бойынша білімдерін бекітуге бағытталған қосымша жұмыстар жүргізілді.
📖 Нормативтік негіз:
Қазақстан Республикасы Оқу-ағарту министрінің 2008 жылғы 18 наурыздағы №125 бұйрығымен бекітілген «Орта, техникалық және кәсіптік, орта білімнен кейінгі білім беру ұйымдары үшін білім алушылардың үлгеріміне ағымдағы бақылауды, оларды аралық және қорытынды аттестаттауды өткізудің үлгілік қағидаларына» сәйкес:
🔹 9-сынып оқушылары қазақ тілі пәнінен жазбаша емтихан тапсырады;
🔹 11-сынып оқушылары математика пәнінен (алгебра және анализ бастамалары) жазбаша емтихан тапсырады.
🎯 Дайындық жұмыстарының негізгі мақсаты – оқушылардың білім деңгейін арттыру, емтихан форматына бейімдеу және өз білімдеріне сенімділігін қалыптастыру.
Барша білім алушыларымызға алдағы емтихандарда сәттілік пен жоғары нәтиже тілейміз! 🍀📚
